Saanen nga ituloy ni National Bureau of Investigation (NBI) Director Melvin Matibag ti panagbiahena idiay Bangkok, Thailand tapno dumar-ay koma ti regional summit a nakaituding a mapasamak inton July 21 agingga 22.
Kinumpirmaran dayta ti NBI chief ket kinunana a dumar-ay ken agtestigo isuna iti impeachment trial inton Hulyo 20.
No man pay pakaladingitan ti NBI Chief a nasayang ti gundaway ta targetna koma a matratar ti sumagmamano nga isyu, intelligence network ken nayun pay a koordinasyon ken ni Federal Bureau of Investigation Director Kash Patel iti face-to-face meeting-da.
No man pay makikamkammayeten isuna ken ni Direktor Patel ken kiddawenna laengen aa maisayangkat dayta iti sabali a gundaway.
Immunan nga inimbitaran ti FBI chief iti NBI a dumar-ay iti regional summit ta maysa iti ahensia a tumultulong a mapadaras iti panagsubli ti maysa a most wanted idiay Amerika.
