Saan a palabsen ti aktres a ni Xyriel Manabat ti maysa a driver ti Transport Network Vehicle Service (TNVS) a mapapati a nagaramid iti sexual remarks kenkuana kalpasan a nagbalin a pasaherona.
Nagtaud iti isyu idi i-share dagiti netizen ti screenshot iti post ti driver.
Ti nasao a post, makita iti ladawan ni Xyriel a kadua ti driver iti uneg iti lugan ket adda caption-na a nakigtot ta nakipicture kenkuana ken DAKKEL ti nasao nga ubing.
Napasarunwan pay iti nalalaswa a sarita.
Saan a mailibak ti child star iti nakaru a pannakadismayana iti nasao a post.
Kinunana a saanna a palabsen ta saan a rumbeng a nagbalin nga entertainment dayta.
Impaamirisna no kasano iti karigat ti biag ti maysa a babai ta agtrabtrabaho laeng ken nakipicture kenkuana ti driver ngem saan a nasayaat iti inaramidna.
