Target ti Senado a paalistwen ti panangipasa iti Senate Bill No 1625 wenno West Philippine Sea Education Act, a ti gagemna ket iraman iti basic ken higher education curriculum ti panagadal mainaig kadagiti teritoryo para iti kabaybayan ditoy pagilian.
Segun ken ni Senate Committee on Foreign Relations Chair Erwin Tulfo, napateg a maipaayan iti naan-anay a pannakaammo dagiti Pilipino mainaig iti West Philippine Sea ta adu pay laeng dagiti kurang ti impormasionna.
Iti gakat, mairaman kadagiti leksion dagiti internationally recognized facts, decision ti Korte Suprema, ken dagiti linteg nga adda pakainaiganna iti WPS.
Mabukel dagiti materyales babaen iti tulong ti Department of Education, Commission on Higher Education, Department of Foreign Affairs, ken dadduma pay nga ahensia.
Maal-allukoy pay dagiti State Universities and Colleges a mapapigsa ti panangsukisok mainaig iti maritime security, coastal communities, ken dadduma pay nga isyu nga adda pakainaiganna iti WPS.
