Naawaten ti P1.59 million a cash reward dagiti walo a civilian informants instrumental iti pannakakemmeg dagiti siam a tattao iti heinous crimes a nagtaud iti Philippine National Police.
Impannakkel ni PNP Chief Rommel Francisco Marbil dagiti informants iti pannakikammayetda a nangitundaan iti pannakakemmeg dagiti pugante a sumangsango kadagiti kaso kas iti murder, rape ken homicide.
Segun ken ni Marbil, pagyamananda iti publiko iti agtultuloy a panagsuportarda tapno masigurado iti pannakaipaay iti hustisya ken panangmentenar iti kappia iti komunidad.
Naala dagiti informant iti cash reward bayat it ceremonial handover nga indualuan ni PNP Directorate for Intelligence chief Maj. Gen. Westrimundo Obinque idiay Camp Crame.
Para iti kinatalged ken seguridadda ket nagaramat dagiti claimants ti maks tapno saan a maammoan iti pakabigbiganda.
