--Ads--
VIGAN CITY – Walo a kalding a nakaikarga iti maysa a Toyota Hi-Ace ti nasalamaan dagiti pannakabagi ti linteg iti animal quarantine checkpoint idiay Bio, Tagudin.
Minaneho ni Walter Advimcula, agtawen ti uppat a pulo ket lima ti nasao a lugan kaduana ti asawana a ni Maria Christina Esquivel, agtawen ti uppat a pulo ket uppat nga agpada nga agnaed idiay Lubao, Pampanga.
Awan ti naipakita dagiti suspek a shipping permit, saan nga accredited ti luganda nga agipastrek kadagiti nasao a dingwen ken saanda a dimmalan iti inspeksyon.
Nupay kasta, maipan iti Provincial Veterinary Office dagiti nasao a dingwen ken dumalan iti usto a proseso dagiti nakemmeg a suspek.
-- ADVERTISEMENT --
