--Ads--
Matamtaming iti ospital ti maysa a lalaki a napaltugan idiay Barangay San Agustin, Candon City, Ilocos Sur.
Ti biktima ket agtawen iti tallopulo ket pito, agnaed iti nasao a lugar idinto a ti suspek ket ti maysa a kalugaranna.
Agin-inom dagiti 2 idin adda saanda a nagkinnaawatan ket pinaltugan ti suspek ti biktima iti kannigid nga abagana babaen iti saan pay a nabigbig a kalibre ti paltog.
Naipaagas iti ospital ti biktima gapu iti sinagrapna a tama ti paltog.
-- ADVERTISEMENT --
Mangisaysayangkat met dagiti pannakabagi ti linteg iti hot pursuit operation para iti pannakakemmeg ti suspek.
