--Ads--
Nakikaysa ni Vice President Sara Duterte iti naisayangkat a Tree Planting Activity iti Masibay Integrated School idiay Barangay Masibay, Nunungan, Lanao del Norte.
Dayta ket kasaruno iti panagbisita ti bise presidente ti lugar kadagiti naglabas a bulan.
Kinuna ni VP Sara a ti panagmula ket paset ti programa ti Office of the Vice President a PagbaBAGO: A Million Trees Campaign, a gagem a makipaset iti panangtaripato iti aglawlaw para iti masakbayan dagiti agtuutbo ken sumarsaruno pay a henerasyon.
Nakikaysa pay ti sumagmamano a residente iti lugar babaen ti panagmula iti baet ti saan a nasayaat a panniempo.
-- ADVERTISEMENT --
Nagyaman ti bise presidente kadagiti lokal nga opisial iti Nunungan ken Masibay Integrated School iti suportar iti programa iti opisinada.
