Imbutaktak ni Vice President Sara Duterte a nakaawat isuna idi 2024 iti impormasion mainaig iti mapapati a plano a panangraut kenkuana ken ti kaadda ti ICC warrant kontra iti amana, a ni dati a Presidente Rodrigo Duterte.
Segun ken ni VP Sara, kiniddawna iti dati nga AFP Chief of Staff Gen. Romeo Brawner a salwadan ti ina ken dagiti annakna ken saan ida nga iraman wenno butbutngen iti ania man nga aramidenda kontra kenkuana.
Kwinestion pay ni VP Duterte ti mapapati a panagturong dagiti pulis iti lugar nga ayan ti ina ken dagiti annakna, iti baet ti mapapati a surveillance activities ti kapulisan.
Innayon ti bise presidente a ti panangaramat, pammutbuteng, wenno panangiraman kadagiti menor de edad iti panangip-ipitda kenkuana ket “child abuse.”
