Kinondenar ni Vice President Sara Duterte ti pammaltog ti maysa a terorista a grupo idiay Lanao del Norte a nakatayan dagiti uppat a miembro ti Armed Forces idi Biernes, Enero 23, 2026.
Segun ken ni VP Sara, daytoy a klase ti kinaranggas ket nalawag a karit iti estado no maipapan iti kappia ken seguridad ti pagilian.
Nagpanawagan ti bise presidente iti panangipasigurado dagiti responsible nga ahensi ti gobierno a saanda nga agsardeng agingga saan a maikkan ti hustisia ti napasaran dagiti uppat a suldado ken siguradoenda a natalged dagiti umili kontra iti pangta dagiti criminal, terorista, ken dadduma pay a puersa a mangbutbuteng kadagiti umili.
Kiddawna ti panagtitinnulong tapno saan nga agari dagiti criminal iti kagimungan kagiddan ti panangipalagipna nga iti kappia ken linak ti pagsanggiran ti wayawaya ken panagdur-as ti pagilian.
