Impaganetget ni Vice President Sara Duterte a nasken a madusa ni Presidente Ferdinand Marcos Jr para iti maibagbaga a pannakaipalubos a makemmeg ti amana a ni dati a Presidente Rodrigo Duterte.
Segun ken ni VP Sara, patienna a ti nangatngato nga opisial imbes a da Justice Secretary Jesus Crispin “Boying” Remulla, Interior Secretary Jonvic Remulla, Philippine National Police chief Police General Rommel Marbil, ken CIDG chief Police Major General Nicolas Torre III ti madusa gapu iti naaramid iti amana.
Iti salinong ti paglintegan ti pagilian, ti presidente ket ‘immune’ iti ania man a kaso, asunto ken darum iti panawen ti terminona.
Innayon ti bise presidente a saan nga agtignay dagiti opisial ti gobierno tapno makemmeg ti amana no awan ti pammilin manipud iti presidente.
