--Ads--
Nakaawiden iti Pilipinas ni Vice President Sara Duterte kalpasan iti umabot makabulan a panagtalinaedna idiay The Hague, Netherlands.
Segun ti Office of the Vice President, simmangpet ti bise presidente iti Ninoy Aquino International Airport idi rabii, April 6, 2025 iti oras iti alas nuebe singkwentay sais babaen ti Emirates Airlines flight no. EK 334.
Maipalagip a nagtalinaed ni VP Sara idiay The Hague manipod March 12 kasaruno iti pannakakemmeg ti amana a ni dati a President Rodrigo Duterte nga adda ita iti International Criminal Court detention facility gapu ti kaso a crimes against humanity.
Manamnama kadagiti sumarsaruno nga aldaw ket mangiruar ti sarita ti bise presidente ti dadduma a napateg a patangan wenno isyu.
-- ADVERTISEMENT --
