--Ads--
Kinarit ni Vice President Sara Duterte ti Malakanyang a saludsoden dagiti umili mainaig iti kaririknada iti pannakakemmeg ni dati a Presidente Rodrigo Duterte.
Dayta ket kalpasan ti panangilibak ti Malakanyang a planado ti pannakakemmeg ti dati a presidente.
Segun ken ni VP Sara, makapungtot dagiti umili iti agtultuloy a panangip-ipit ti administrasyon iti pamiliada nangruna ta magagara pay ti Malakanyang nga ituloy ti impeachment case kontra kenkuana.
Immunan a pinasingkedan ti bise presidente nga adda pakainaiganna iti umadani nga eleksion inton Mayo ken iti 2028 elections ti agtultuloy a panangip-ipit ti administrasyon iti oposisyon.
-- ADVERTISEMENT --
