--Ads--
VIGAN CITY – Awan ti insingasing ni Vice President Sara Duterte a sumukat kenkuana kas mangidaulo ti Department of Education kalpasan ti panagikkatna manipud iti gabinete.
Segun ken ni Duterte, masapul a ti baro a DepEd secretary ket mapili babaen iti talek ken kumpiansa ni Presidente Ferdinand Marcos Jr.
Maipalagip a nagikkat ti bise presidente idi napan a lawas kas education secretary ken vice chairperson ti National Task Force to End Local Communist Armed Conflict.
Idi met kalman, pinasingkedan ti presidente a kasapulanna ti naan-anay a panawen nga agpili iti sumaruno a mangidaulo ti DepEd gapu kadagiti kaadu a maakman iti nasao a posisyon.
-- ADVERTISEMENT --
