Natalek ni Department of Public Works and Highways Secretary Vince Dizon a posible a makemmeg ken mabalud dagiti napabasul iti flood control corruption sakbay ti Paskua.
Dagiti umuna a posible a makemmeg ket dagiti tattao a napabasul iti reklamo a naipila iti Office of the Ombudsman idi Setyembre 13, agraman da Henry Alcantara, Brice Hernandez, Jaypee Mendoza, ken Sarah Discaya ti St. Timothy Construction Corporation.
Segun ken ni Dizon, napaspas ti proseso ta rinugianen ni Ombudsman Boying Remulla sipud nagtugaw.
Naisagana payen ti Quezon City Jail – Male Dormitory para kadagiti akusado nga adda Salary Grade 27 na agpangato ken Pasay City Jail para kadagiti adda Salary Grade 26 na agpababa.
Target ti gobierno a marugian ti panagarestar kadagiti sumarsaruno a lawas, sakbay ti paskua.
