Van a naglaon iti nasurok a 1k a kilo ti assorted meat products, nasalamaan iti quarantine checkpoint idiay Narvacan

VIGAN CITY – Maysa a refrigerated van a naglaon ti naduma-duma a klase ti meat products iti nasalamaan iti provincial quarantine checkpoint idiay Sitio Kakaldingan, Narvacan.

Nabigbig iti nagmaneho iti nasao a van a ni Romel Milanez, agtawen ti tallopulo ket pito nga agnaed idiay Brgy. Paing, Bantay.

Nakailanad iti permit nga ikot ni Milanez a nasurok a lima gasut a kilo ti dua gasut sangapulo ket pito a naduma-duma a klase ti meat products  iti linaon na ngem idi linukatan dagiti pannakabagi ti linteg, sangaribo tallo gasut ket dua a kilo gayam iti naikarga.

Ikoten ti Narvacan municipal police station iti nagmaneho ti nasao a lugan para iti proper disposition na.