--Ads--
Umaboten iti P18.49 trillion ti pakabuklan nga utang ti gobierno ti Pilipinas iti panagleppas ti Marso 2026, segun iti Bureau of the Treasury.
Ngimmato daytoy iti P328.43 billion wenno 1.81 percent manipud iti P18.16 trillion idi Pebrero, ken nangatngato iti P1.81 trillion wenno 10.81 percent no ikumpara iti P16.68 trillion iti isu met laeng a bulan idi napan a tawen.
Daytoy ket gapu iti kimmapsut a piso kontra dolyar, a nangnayon iti nakurang P299.5 billion iti gated ti foreign currency-denominated debt, malaksid pay iti net issuance ng government securities.
