Umabot iti baro a rekord a P17.647 trillion ti pakabuklan nga utang ti Pilipinas iti agtapos ti Nobyembre 2025.
Maibasar iti listaan ti Bureau of Treasury, ngimmato ti utang ti Pilipinas iti 0.49 a porsiento wenno P85.40 billion manipod iti P17.562 trillion idi October.
Ti nasao a banag ket gapu ti net issuance ti domestic ken external debt a kellaat a na-offset iti panagbaba ti gatad ti foreign currency-denominated obligations gapu iti panag-apreciate ti piso.
Iti year-on-year, dimmakkel ti utang ti pagilian iti 9.94 percent manipod P16.052 trillion iti isu met la a panawen idi 2024. Ti agdama a lebel ti utang ket 1.65 a porsiento a nangat-ngato ngem iti ninamnama a P17.359 trillion iti gobierno para iti agtapos iti 2025.
Iti pakabuklan nga utang ket 68.66% iti manipod ti domestic borrowings idinto a 31.34 percent manipod ti foreign lenders.
Ngimmato ti domestic debt iti 0.60% kada bulan iti P12.117 trillion manipod iti P12.045 trillion, a gappuanan ti P71.85 billion a net government securities issuance.
Ngimmato ti domestic debt iti 10.86 percent ken 10.95 percent nu yarig iti isu met la a panawen idi 2024 idinto a ti external debt met ket ngimmato ti 0.26% iti P5.530 trillion manipod iti P5.516 trillion idi October.
