Isardengen ti gobierno iti United States ti panagpondo kadagiti programa kontra iti panagwaras ti Human Immunodeficiency Virus (HIV) ken AIDS idiay South Africa.
Iti agdama ket nasurok walo a million a South Africans ti agbibiag nga adda HIV-na, kangatoan a bilang iti aniaman a pagilian iti intero a lubong.
Inanaig met ti US State Department iti nasao a desisyon iti mapapati a pannakapaay ti South Africa a salakniban ti white-minority Afrikaner community, maysa nga akusasyon a mamin-ano a daras nga inlibak ti gobierno iti nasao a pagilian.
Segun ti US, gagem ti addang nga iyetnag ti self-reliance ti South Africa ken kissayan ti panagdependeda ti pondo iti Amerika.
Innayon pay ti US, ti South Africa ket maysa a middle-income country nga adda umdas a kabaelanna tapno suportaran ti bagbagina para kadagiti programa iti salun-at.
