--Ads--
Nagdeklara ti Fiji iti national HIV crisis kalpasan a mairekord ti 2,016 a baro nga HIV diagnoses idi 2025, kangatwan iti tinawen a bilang iti pagilian ken 27 percent a nangatngato ngem idi 2024.
Segun iti UNAIDS, mapatta-patta a 9,100 a tattao idiay Fiji ti agbibiag nga adda HIV-na idi 2025, ngem 39 percent laeng ti makaammo iti status-da ken 22 percent ti umaw-awat iti antiretroviral treatment.
Nupay kasta, pabilgen ti gobierno ti libre nga HIV testing, preventive medicines kas ti PrEP, harm-reduction programs ken libre a treatment para kadagiti na-diagnose.
Pabilgen pay ti Fiji ti community-based services ken dagiti kampania kontra iti stigma ken discrimination tapno malapdan ti panagraira ti HIV.
-- ADVERTISEMENT --
