--Ads--
Umabot iti sangapulo ket maysa ti natay kalpasan a napaltugan da idiay Durban City, South Africa.
Segun kadagiti otoridad, sinerrek dagiti tallo nga armado a lallaki ti maysa a pagtaengan no sadino adda ti maysa a panagummong, ket dituy nagpapotuk ti paltog dagiti suspek.
Gapu iti insidente, dagus a natay dagiti 10 a biktima, idinto a ti maysa ket naitaray iti balay pagagasan ngem pimmusay bayat a matamtaming.
Agtultuloy ti imbestigasion dagiti pannakabagi ti lintge no ania ti motibo ti insidente ken tapno matuntun dagiti suspek.
-- ADVERTISEMENT --
