Uppat nga opisial ti Office of the Vice President ti in-cite in contempt ti panel ti House of Representatives gapu iti saanda a panagatendar wenno panagparang iti hearing mainaig iti mapagduaduaan a disbursement ti intelligence ken confidential funds.
Dagiti opisyal ket da Lemuel Ortonio, Gina Acosta, Sunshine Charry Fajarda, ken Edward Fajarda.
Segun ti komite a saan a maakseptar dagiti rasonda iti saan a panagatender ken imbilinda ti detention da iti House premises aginnga a malpas ti final report da iti House pleanary.
Kabayatanna, inawagan ni Vice President Duterte ti imbestigasion a “politically motivated” ken kunana nga awan ti ebidensiada mainaig ti corruption nga ipabpabasolda kenkuana.
Kitkitaen ti komite no kasano a nagastos ti OVP ken ti Department of Education, idi Education Secretary ni Duterte, iti confidential fund..
Nangipaulog ti komite iti subpoena ken ni Chief of Staff ni Duterte a ni Zuleika Lopez nga agdama nga adda ita idiay US.
Saan met a patien dagiti agpapanday-linteg maipapan iti rasonna a saan a nakaatendar ti hearing ken kayatda nga ilawlawagna ti bagina.
