VIGAN CITY – Imbilin ti Sangguniang Bayan iti Bangued, Abra ti pannakakemmeg dagiti uppat nga absentee councilor.
Iti pannaki-uman ti Bombo Radyo Vigan ken ni Dick Bersamira a Sangguniang Bayan Member idiay Bangued Abra, napagnunumoan ti konseho a suroten ti Rule IX, Section 39 ti Internal Rules and Procedures ti Sanggunianang Bayan.
Dagiti uppat a councilor ket da Councilor Gisela Adame Abero manipod Sta. Rosa, Mark Froilan Seares manipod Barangay Zone 4, Sangguniang Kabataan (SK) Federation President Aubrey Princena iti Sta Rosa ken League of Barangays President Roldan Gonzales iti Barangay Makita.
Segun ken ni Bersamira, naisayangkat ti regular session idi June 3 iti agdama a tawen ngem awan latta dagiti uppat a councilor nga isu payen ti maikapat nga aldaw a saan nga immatendar ti session.
Nupay kasta, awan ti nadanonda kadakuada ta agpapadada a kameng laeng dagiti pamiliada ti nadanonda.
AUDIO – SANGGUNIANG BAYAN MEMBER DICK BERSAMIRA
