VIGAN CITY – Uppat a lugar idiay Region 4A iti apektado ti saan pay nabigbig a sakit dagiti taraken a baboy ditoy pagilian.
Dayta iti inwaragawag ni Agriculture Secretary William Dar idi indaulwan na iti pannakaiwaras dagiti baro nga alikamen a pagtalon ken dadduma pay a proyekto ti Department of Agriculture kadagiti napili a farm associations a benepisyaryo.
Nu pay kasta, saan nga innaganan ni Dar nu anya a lugar dagiti apektado iti saan pay nabigbig a sakit ti baboy tapnu saan a mapan idiay dagiti kameng ti media ken dagiti mannakibiyang a tattao tapnu saan nga isuda iti agiwaras iti virus.
Kabayatanna, awan pay laeng iti resulta iti naisayangkat a panagadal nu apay a natay dagiti sumagmamano a taraken a baboy idiay Rodriguez ken Antipolo, Rizal.
