Naituding ti panagpyansa dagiti uppat a nakemmeg a naga-ayam iti mahjong idiay Barangay San Pedro, Narvacan, Ilocos Sur idi aldaw ti Biernes Santo.
Dagiti suspek ket pakairamanan ti tallo a babbai ken maysa a lalaki nga agtawen iti sangapulo ket walo, agtawen iti duapulo ket tallo ken dua nga agtawen iti duapulo ket maysa, agpapada nga estudiante.
Iti pannaki-uman ti Bombo Radyo Vigan ken ni Police Major Roger Baling-oay, nakairuaman ti nasao a lugar ti panagsugal isu a nangisayangkatda iti validation kadagiti maaw-awatda a report ket nakumpirmaranda ti iligal nga aramid dagiti suspek.
Naaktuan ida nga nga agsusugal iti ruar ti pagtaengan a masarakan iti igid ti highway, ken adda pay dagiti nakalibas a kakaduada nga isu ti idaldalanda iti validation tapno mairaman a makasoan.
Naala kadakuada ti maysa a kompleto a set iti Mahjong tiles, uppat dice, sangapulo ket lima a plastic chips ken P1,119 a pusta.
