VIGAN CITY – Mamati ti ina ni Paul Angelo Oliveros nga agtawen ti 23 a taga- Nambaran, Sto. Domingo ngem ag-gigiyan idiay Vacunero, Sto. Domingo nga awan iti foul play iti panagbekkel ti biktima idi kalman.
Segun ti ina ti biktima, sakbay iti pasamak ket iyang-angaw ti anak na iti agpakamatay ta saan nan a kabaelan nga ibturan dagiti panpanunuten na.
Awan met iti maibagbaga ti biktima a parikot na malaksid laeng iti bassit a saan da a panagkinnaawatan ti nobya na nga adda idiay Metro Manila ta sakbay iti panagpakamatay na ket namin-adu na a tinawagan ti nobya na ngem saan a sinung-sungbatan ti babai.
Malaksid iti dayta, adda pay nakaibaga a saan da a pagkurkurangan ti biktima nga isu iti posible a maysa pay a nakasairan ti riknana ta segun ti inana ket nasintir wennu nalaka laeng a masaksaktan iti rikna ti biktima sipud pay idi ubing.
