VIGAN CITY – Nagmuelta ti sangapulo a ribo a pisos ni Roland Toreno, agtawen ti uppat a pulo ket uppat, drayber ken agnaed idiay Purok 4, Brgy. 8-A Gingoog City, Misamis Oriental para iti temporaryo a pannakawayawayana.
Ni Toreno ket nakemmeg gapu iti saanna a panangipa- inspeksion iti lugan a minaneho na a naglaon kadagiti karne iti quarantine checkpoint idiay Brgy. Bio, Tagudin idi January 4.
Segun ken ni Provincial Quarantine Officer Martel Quitoriano, sangaribo a kilo a nadumaduma a frozen meat product, french fries ken lima gasut a kilo ti karne ti manok iti linaon ti lugan a minaneho ni Toreno.
Naikali dagiti frozen meat product ken karne ti manok idinto a dagiti french fries a nakumpiskar ket insubli ti quarantine office ken ni Toreno.
