Patien ni Police Major Roger Baling-oay a saan a ti panagbaliktad ti delivery truck trak ti rason no apay a natay dagiti agassawa idiay Barangay Paltoc, San Emilio, Ilocos Sur no di ket ti impact ti pannakaidungparna iti kayo.
Nabigbig ti nagmaneho iti Hino dump truck a ni Ibrahim Vicente Cardenas, agtawen iti duapulo ket innem kaduana ni Fatima Claire Ramirez Pis-oy, agtawen iti duapulo ket lima, agpada a taga-Barangay Cabaroan, San Emilio.
Iti pannaki-uman ti Bombo Radyo Vigan ken ni Baling-oay, napaspas ti taray ti trak ket idi agpasalog, naawanan iti preno.
Natakuatan nga immunan a sinimpada ti dadael a preno ti lugan ngem saanda a nasayaat ket isu ti inusarda a nagbiahe a mapan idiay Sudipen.
Ita a tawen koma pay ti naituding a panagkallaysa dagiti biktima.
