VIGAN CITY – Simmuko kadagiti kameng ti Sto. Domingo municipal police station ni John Tabaco Tabuso nga isu iti mapapati a nangpaltog, ken ni Joel “Ang” Tagudar nga agtawen ti uppat a pulo a taga- Nanerman, Sto. Domingo a maysa a drug surrenderer idi rabii ti February 25.
Sakbay a naitaray iti ospital ni Tagudar ket naibaga na nu siasino dagiti nangpaltog kenkuana ket naidukit na iti nagan da John kenni Froiland a kabsat na nga isu iti nakemmeg iti naisayangkat a hot pursuit operation kalpasan iti pammaltog.
Malaksid iti testimonya ti biktima, pinasingkedan pay dagiti sumagmamano a testigo a dagiti agkabsat iti nangpaltog ken ni Tagudar.
Pinasingkedan ni Police Captain Christopher Ramat, hepe ti Sto. Domingo PNP nga addan iti motibo ti pammaltog a kitkitaen da ngem saan da nga isu iti namnamaen da a makatulong iti naan-anay nga imbestigasyon da iti kaso.
Kabayatanna, maburburtiyaan met ti maysa kadagiti kabsat ti biktima a ni Benito Tagudar nu apay a naaramid dagiti suspek a kanakan da pay mismo iti nasao a pammaltog ta awan met ti ammo na a susik iti nagbabaetan da.
