--Ads--
Nabara a pinasangbayan ti University of Northern Philippines dagiti agad-adal para iti umuna nga aldaw ti klaseda.
Iti pannaki-uman ti Bimbi Radyo Vigan ken ni UNP President Dr. Erwin Cadorna, nangisagana ti Student Council iti programa nga inawaganna iti “PANANGSARABO” Festival Amusement Booths para kadagiti estudiante a simrek.
Paset iti aktibidad ti kaadda dagiti amusement booths, food fair, Freshie Yell competition, mini concert, raffle draw ken bingo bonanza.
Innayon ni Cadorna a babaen iti daytoy nga aktibidad ket agbalin a memorable para kadakuada ti umuna nga aldaw a kaaddada iti unibersidad.
-- ADVERTISEMENT --
Nasurok 16,000 dagiti nagenrol nga estudiante a ti 4,300 ket first year.
