Agtaltalinaed iti target range ti gobierno iti mapaspasaran nga unemployment rate iti pagilian iti baet iti panagpangatona idi napan a tawen gapu iti agtultuloy a panagbangon iti ekonomia iti panagleppas iti 2025 kas kinuna ti Department of Labor and Employment (DOLE).
Segun ken ni Labor Secretary Bienvenido Laguesma, simmayaat ti employment conditions iti month-on-month basis bayat a napalawa dagiti negosyo iti operasyonda tapno tignayan ti year-end demand.
Innayonna nga in-inut a nakabawi ti service ken trade sector manipod iti pannakaapektarna gapu iti naglabas a didigra.
Ti sarita ti opisyal ket kasaruno ti pakaammo ti Philippine Statistics Authority (PSA) a nagkuna a ti manufacturing sector ket nakairekord ti maysa a kadakkelan a year-on-year job losses idi November 2025, ket nasurok-kumurang 150,000 a trabaho iti naawan.
Kabayatanna, impaganetget ti secretary nga adda dagiti senyales iti panagsayaat ti kalidad ti trabaho ta iti panagregta ti employment ket kangrunaan a makitkita nga skilled ken semi-skilled occupations.
Bimmaba pay ti underemployment a mainanaig kadagiti programa a nakatutok iti skills upgrading, youth employment ken enterprise support.
