--Ads--
Inawagan a ‘mema’ wenno ‘me maikaso lang’ ni House Deputy Minority Leader ken Akbayan partylist Rep. Perci Cendaña ti reklamo nga impila kenkuana ni Manases Carpio, ti asawa ni Vice President Sara Duterte.
Segun ken ni Cendaña, nalawag a harassment laeng daytoy gapu iti gandatna a panangala kadagiti financial document da Carpio ken ni Duterte iti impeachment hearing isu a naibutaktak ti saan a maipalawag a kinabaknangda.
Innayon ti kongresista nga awan ti linabsingna a linteg ket amin dagitoy ket mayannatup iti linteg.
Iti agdama, awan pay ti naawatna nga opisial a kopya ti reklamo nga impila ni Carpio iti Quezon City Prosecutor’s Office.
-- ADVERTISEMENT --
