VIGAN CITY- Inyanunsyo ti World Health Organization a natay iti sabali a rason ti lalaki a natamaan ti H5N2 birdflu a naggapo iti Mexico.
Segun ti Health Ministry ti Mexico, ti agtawen limapulo ket siam a lalaki ket adda historyna ti chronic kidney disease, type 2 diabetes ken long-standing systemic arterial hypertension.
Naamoan a tallo lawasen a nakaidda ti lalaki sakbay a naadaan dagiti nakaro a sintomas a gurigor, narigat a panaganges, diarrhea nausea ken general malaise idi April 17.
Naipan iti ospital ti biktima idi April 24 ket natay metlaeng dayta nga aldaw.
Inyunay-unay ni WHO spokesman Christian Lindmeier a multi-factoral death ti nakatayan ti biktima idinto a nadetectdan dagiti sangapulo ket pito a contact ti biktima nga amin ket nagnegatibo iti influenza .
Iti agdama ket saan pay a naamoan ti nagtaudan ti pannakaexpose ti lalaki iti virus nupay nairekord dagiti kaso ti H5N2 virus kadagiti poultry idiay Mexico.
