Nakaawiden iti pagilian iti tallopulo ket maysa nga Overseas Filipino workers nga isu ti kaunaan a batch a na-repatriate manipod Middle East.
Napasangbayan da babaen kadagiti kameng ti Overseas Workers Welfare Administration (OWWA) ken ti Department of Migrant Workers (DMW) iti isasangpetda iti Ninoy Aquino International Airport (NAIA).
Dagiti tallopulo ket maysa nga OFWs ket pakairamanan dagiti duapulo ket innem a Pilipino manipod Israel, tallo manipod Jordan ken saggaysa manipod Palestine ken Qatar.
Naglugan dagiti nasao nga OFW iti Qatar Airways Flight QR 934 ken simmangpet iti NAIA idi alas otso iti rabii.
Segun ken ni DMW Secretary Hans Leo Cacdac, nadelay iti flight gapu iti temporary a panangsuspenso ti Qatari iti air traffic.
Impaganetgetna a napalaus iti panagsaludsud ni President Ferdinand Marcos Jr. nu kasano iti kasasaad dagiti OFW manipod addada pay laeng idiay Middle East agingga nakadanonda ditoy pagilian.
Manipod iti 30,000 a Pilipino idiay Middle East ket tallogasut sangapulo ket maysa laeng ti nayat ti repatriation.
