Kinumpirmaran ti Department of Energy ti agsasaruno a panagsangpet ditoy pagilian ita nga Abril ti 900,000 a bariles ti krudo nga inangkat ti gobierno ti Pilipinas.
Segun ken ni Energy Usec Sandy Sales, dagiti naangkat a langis ket naggapu iti Malaysia, North Asia ken India.
Innayon ni Sales nga umuna a sumangpet iti pagilian inton Abril 10 ti 300,000 a bariles ti krudo manipud Malaysia via Singaporean trader.
Ti met maikadua ken maikatlo a batch ket sumangpet ditoy pagilian iti maikadua wenno maikatlo a lawas ti Abril.
Pinasingkedan ni Energy Secretary Sharon Garin a malaksid pay daytoy iti langis a inatang dagiti pribado nga oil company.
Karaman kadagiti pagilian a kinapatang ti Pilipinas para iti panagangkat iti langis ti South Korea, China, Malaysia at Singapore.
