--Ads--
Pinaka-apektado iti asok manipud iti paputok dagiti ubbing nga agtawen iti siam agpababa ken dagiti senior citizen.
Maibasar iti surveillance ti Department of Health ita a lawas ti Paskua, uppat a kaso ti bronchial asthma ti nairekord kadagiti ubbing ken 4 a kaso kadagiti senior citizen.
Segun iti DOH, manipud December 21 agingga December 26, umabot iti 127 ti pakabuklan a bilang dagiti kaso ti stroke, heart attack, ken bronchial asthma ti namonitorda.
Nagpanawagan met ti DOH iti publiko nga agannad ita a holiday season babaen iti panangliklik iti nalabes a pannangan, regular a panagwatwat, ken panangliklik iti sigarilio ken panaginom iti arak.
-- ADVERTISEMENT --
