Naipaay iti family food packs (FFP) kadagiti pamilia a naapektaran iti napalabas a Bagyo Bising iti Ilocos Sur.
Iti pannaki-uman ti Bombo Radyo Vigan ken ni Rhon Arquelada a PDRRMO Officer, napalaus iti panagyaman dagiti umili iti insigida a tulong manipod gobierno probinsia ken DSWD a naipaay kadakuada kagiddan iti pannakaapektarda iti bagyo.
Segun ken ni Arquelada, 225 nga FFP iti naited kadagiti pamilia nga apektado idiay Nanguneg, Narvacan, innem a pulo idiay Barangay Suso, Sta. Maria ken 320 FFP idiay Barangay Nagsayaoan, Sta. Maria.
Kinuna ni Arquelada nga isolated a lugar idiay Nanguneg, Narvacan isu nga aminado a buwis biag iti panagdalyasat iti karayan gapu iti kapigsa ti ayos iti danum bayat ti panagduprak ti bagyo idi napanda indanon iti nasao a tulong.
Maysa pay a pagtaengan iti apektado idiay Pantay Fatima, Vigan City ta natupakan iti kayo iti paset ti kusina isu nga impaay ti gobierno probinsia iti dadduma a materyales a kasapulan a pagpasimpa a kas iti isim, landok ken kayo ken adda pay naited a family food packs para iti pamilia.
