Pinasingkedan ni US Pres. Donald Trump nga adda plano iti Amerika a dadaelen amin a rangtay ken planta iti kuryente iti Iran ngem mangnamnama a saanen dayta a kasapulan.
Segun ken ni Trump, no kas bilang mapasamak ket posible nga umabot iti dekada sakbay a maisubli iti pagilian ti dati a kasasaadna ken posible a saanen a kas iti kapintasna iti dati.
Segun ken ni Trump, no kayatda ket apaman a dumanon iti 12 o’clock inton bigat iti rabiina ket tunggal planta iti kuryente idiay Iran ket agsardeng iti operasyonna ta mapabettakan ken saanena maaramat iti kaanoman, ngem saanda a kayat a mapasamak dayta.
Innayonna a saanna a kayat iti agdadael iti imprastraktura ta ginasut a tawen iti kasapulan tapno masimpa iti dayta.
No pay kasta pinasingkedan ni Trump a saanna a kayat ken saan a rumbeng a pagga-ayat iti siasinoman ti tensyon a nakairamanan iti Amerika kontra iti Iran nangruna iti napasamak a kinaranggas ken pannakatay dagiti umili idiay Middle East.
Impaganetgetna ti kinapateg ti pada a tao ken panangpatalinaed iti kappia.
