--Ads--
VIGAN CITY- Awan iti nadangran ngem nangitunda ti nairot a trapiko ti nagirig a truck a nagkarga ti natnateng idiay Sitio Pideg, Santa idi rabii gapu ta adu unay iti karga na.
Segun ken ni Police Inspector Jerry Arzabal, chief of police ti Santa municipal police station, nagpaot iti maysa nga oras sakbay da a naikkat ti nakabalandra a truck iti kalsada agsipud ta inuray da ti binulod da a loader iti maysa a construction firm.
Kagiddan iti dayta ket binalakadan ni Arzabal dagiti driver, nangruna dagiti dadakkel a lugan nga ado ti karga na, nga agannada ita a panagtotodo ta nagalis ti dalan.
