Pormal a pinilaan ni dati a senador Antonio Trillanes IV ti reklamo a cyber-libel iti Department of Justice kontra kada Senador Alan Peter Cayetano, senador Rodante Marcoleta, kasta met dagiti sangapulo ket walo nga indibidwal a nagpayyam-ammo kas dati a bodyguard ni dati nga Ako Bicol party-list Rep. Zaldy Co.
Ti panagipila ti kaso ket adda pakainaiganna iti Blue Ribbon Committee hearing nga insayangkat ti Cayetano bloc idi Hunyo 4, nga inawagan ni Trillanes a “rogue hearing”.
Pinasingkedan ti dati nga opisial a nalawag a naaddaan ti panagpapatang iti nagbaetan dagiti nadakamat senador ken 18 bodyguards tapno aramiden ti panangdadael kontra kenkuana.
Impaganetget pay ni Trillanes nga awan ti parliamentary immunity wenno otoridad nga agisayangkat ti panagdenggeg da Cayetano ken Marcoleta.
