Impaganetget ni dati a senador Antonio Trillanes IV nga impasardeng na dagiti kaso a maipila kontra iti uppat a dati a suldado kalpasan nga imbabawi da iti immuna nga affidavits ken alegasion kontra kenkuana, iti International Criminal Court ken dadduma pay a personalidad.
Segun ken ni Trillanes, kas dati a suldado ket makipag-kaysa isuna iti kasasaad dagituy a maipagarup a nagundawayan gapu iti kina-awan ti pagbiagan dagiti tao nga adda nasipnget a gagem iti politika.
Pinasingkedan ti dati nga agpampanday linteg nga agserbi daytoy kas nadagsen nga adal iti mapadpadasan da tapno saan a ma-doble ti kastuy a sitwasion.
Innayonna ni Trillanes a ti desision na ket maysa nga addang tapno maipakita iti panagraem iti pada a suldado a makapadpadas ti nadagsen a pannubok.
