VIGAN CITY – Ipatangken ni Bernard Figuerres nga agtawen iti uppat a pulo ket walo, naasawaan, tricycle driver ken agnaed idiay Barangay Camanggaan, Vigan City nga inmula wennu planted dagiti ebidensiya a naala dagiti otoridad kenkuana iti naiwayat a buy-bust operation idi June 17 idiay Barangay 8, Vigan City.
Dayta ket maikontra iti ibagbaga ti Vigan City police station a nagpositibo ni Figuerres iti naiwayat kenkuana a test buy isu nga insigida a naiwayat kenkuana iti buy-bust operation.
Naala kenkuana iti ikot na a dua a small heat sealed transparent plastic sachet a naglaon iti mapapati a shabu, maysa a small heat sealed transparent plastic sachet a naglaon iti mapapati a shabu, lima gasut a pisos a buy-bust money, blue coin purse ken swiss knife.
Malaksid iti dayta, naamuan a ti suspek ket nagpositibo idi iti naiwayat nga Oplan Harabas wennu ti on- the- spot drug test kadagiti driver ti tricycle, bus, jeep ken PUV idi napalabas a bulan nga inwayat ti PDEA ken PNP.
