Pinasingkedan ni Senador Joel Villanueva a masapul a maidatag iti maika-lima nga State of the Nation Address ni Presidente Ferdinand Marcos Jr ti napaot a programa para iti trabaho, edukasion, ken pananglaban iti bisin, imbes a dagiti kari nga awan ti konkreto a direksion.
Segun ken ni Villanueva, namnamaen dagiti Pilipino a masungbatan ti administrasion dagiti kangrunaan a solusion kas ti kina-awan ti trabaho, panagngato ti presio dagiti magatang, kinarigat, ken dagiti karit iti sektor ti edukasion.
Impaganetget ti senador a ti kasayaatan a programa kontra iti kinarigat ket ti pannaka-adda ti disente a trabaho.
Ti met wagas a masapul nga aramiden tapno masolusyonan ti bisin ket ti panagaramid ti oportunidad iti pagbiagan para kadagiti kayat na nga agtrabaho.
Para ken ni Villanueva, ti panangtimbang ti kina-balligi ti SONA ket no makaited ti ad-adu a trabaho, makatulong a maikkat ti bisin ken makaited ti nasaysayaat a masakbayan dagiti tunggal ubbing a Pilipino.
