VIGAN CITY – Saan a nakaisayangkat ti Department of Energy iti total damage assessment kadagiti lugar a naapektaran ti phreatic eruption ti Taal Volcano.
Ti pannaki-uman ti Bombo Radyo Vigan ken ni Dir. Mario Marasigan ti DOE- Electric Power Industry Management Bureau, iparit pay laeng dagiti otoridad a mangisayangkat da ti aerial assessment tapnu maamuan da nu kasanu kalawa iti nadadael gapu iti panagbettak ti bulkan nu iti energy sector iti mapagpapatangan.
Agsipud iti dayta, agtaltalinaed nga awan pay iti kuryente dagiti lugar a nadidigra nangruna dagiti lugar a nakaipatungpalaniti forced evacuation.
Inlawlawag ni Marasigan nga uray nu kayat dan a maisubli iti suplay iti kuryente, masapul a panunuten da iti talged dagiti kakadua da nga adda iti ground.
Ti agdama, daldalusan pay laeng dagiti electric cooperatives dagiti poste a kinaptan ti dapo manipud iti nasao a bulkan tapnu maliklikan it aniyaman a klase iti aksidente ta mabalin a pagtarayan iti kuryente dagiti dapo a kimpet kadagiti poste ken kable iti kuryente.
