VIGAN CITY – Saan pay a marugyan iti grupo ni Sen. Cynthia Villar, mangidaulo ti Senate committee on agriculture and food, iti panangtulong kadagiti mannalon ken mangngalap a naapektaran iti panagbettak ti bulkang Taal idiay Batangas.
Ti pannaki-uman ti Bombo Radyo Vigan ken ni Villar kabayatan iti iyuumay na ditoy syudad para ti Longganisa Festival idi naminsan nga aldaw, imon-monitor da pay laeng iti kasasaad ti Taal Volcano ken iyur-uray da nu manu iti pakabuklan nga assessment nu manu iti nadadael iti sektor iti agrikultura sakbay da a makaited iti tulong kadagiti tulong a masapul dagiti mannalon ken mangngalap a naapektaran.
Inkari na a nu napintasen iti kasasaad iti nasao a lugar, ipaay da amin a kasapulan dagiti naapektaran a mannalon ken mangngalap a kas paset iti programa na kas maysa a senador.
Kabayatanna, insingasing na nga uray nu sumayaat ton iti kasasaad iti nasao a lugar, saan to kuman a mapalubusan dagiti tattao a mapan agnaed kadagiti danger zones tapnu saan da nga agpeggad.
