--Ads--
VIGAN CITY – Nakasaganan ni dati a Tokyo Olympics silver medalist Carlo Paalam nga agsubli iti ring, kagiddan ti namnamana a makayawid iti balitok a medalya.
Segun ken ni Paalam, us-usraennan ti bakante nga orasna nga agsagsagana iti Paris Olympics.
Gold medal ti targetna iti kadakkelan a torneyo iti lubong ket nakasagana a mangaramid iti amin tapno magun-odna.
Kunana pay a sabali ti Carlo Paalam a sumabak iti Paris Olympics iti Carlo Paalam nga immunan a simmabak iti naglabas a Tokyo Olympics. Idi 2020 ket nakayawid ni Paalam iti silver medal, kadua ti padana a boksingero a ni Nesthy Petecio.
-- ADVERTISEMENT --
