--Ads--
Kayat ni Navotas Rep. Toby Tiangco a maipatungpal iti intero a pagilian ti programa iti siudadda a maikkan iti sag-P5,000 ti kada college graduate kas panangbigbig iti sakripisioda.
Segun ken ni Tiangco, nabayagen nga ipatpatungpalda ti nasao a programa idiay Navotas ket kayatna a mapabileg idiay Kongreso.
Mamati ni Tiangco nga ad-adda nga ikagumaan dagiti agtutubo a makaturpos iti panagadalda no agbalin a linteg ken maipatungpal iti intero a pagilian ti gakat a maawagan iti “National Graduation Incentives Program”.
Saanen a nadakamat ti kongresista no mano ti magastos iti daytoy a programa ngem kunana a bassit laeng daytiy a banag no ti kasukatna ket mamuli dagiti agtutubo ta isuda ti manamnama a sumaruno a mangiggem iti gobierno.
-- ADVERTISEMENT --
