Inaprubaran ti Economy and Development Council, nga idadaulwan ni Presidente Ferdinand Marcos Jr. ti gakat a three-term school calendar ti Department of Education para iti School Year 2026-2027.
Segun iti Department of Economy, Planning, and Development, dagiti 201 nga school days ket mabingay iti 3 a termino: umuna a term ket Hunyo agingga Setyembre, maikadua a term ket Setyembre agingga Disyembre ken maikatlo a term ket Enero agingga Marso.
Kada term ket adda iti 54-61 nga aldaw a panagisuro, agraman ti ababa nga inana para iti non-academic activities ken enrinchment program.
Gagem ti trimester system a masulit ti oras ti panagadal a masansan a maitantantan gapu iti saan a nasayaat a paniempo, selebrasion, wenno dadduma pay nga okasion.
Segun iti DEPDev, makatulong ti 3 a term structure iti at-atiddug ken agtultuloy a learning blocks, panangpasayaat iti recovery ti estudiante, ken panangted iti gundaway para iti professional development ti mangisursuro ken dagiti catch-up program.
