Immanamong ti Thailand ken Cambodia iti “immediate and unconditional” ceasefire kas panangrisot iti panagrinnupak iti dua a pagilian nga umaboten iti lima nga aldaw kas kinuna ni Malaysian Prime Minister Anwar Ibrahim.
Segun ken ni Anwar a nangidaulo ti patangan ti Association of Southeast Asian Nations regional bloc, dagiti dua a pagilian ket agpada a nagtulag nga isublin ti normal kasaruno ti naawagan a frank discussions.
Nagtulag da Cambodian Prime Minister Hun Manet ken Thai Acting Prime Minister Phumtham Wechayachai iti nasao nga addang nga epektibon itay parbangon.
Kinuna ni Anwar a ti naaramid ket umuna nga addang para ti de-escalation ken restoration iti peace ken security.
Maaddaan met ti taripnong dagiti military ken dagiti opisyal dagiti dua a pagilian tapno mapasardeng ti border tensions.
