--Ads--
VIGAN CITY – Namnamaenen ti grupo a Teachers Dignity Coalition (TDC) ti panagikkat ni Vice President Sara Duterte kas sekretario ti Department of Education (DepEd).
Segun ken ni Teachers Dignity Coalition (TDC) Chairperson Benjo Basas, daytoy ket gapu iti political climate wenno situasion ti politika iti pagilian.
Gapu dayta, nagpanawagan ti grupo ken ni Presidente Ferdinand Marcos Jr. a saan a mangdutok iti politiko kas sumaruno a mangidaulo ti DepEd.
Innayon ni Basas a nasken a ti sumaruno a DepEd Secretary ket aggapu iti akademia ken no mabalin ket nagserbi a public school teacher tapno maammuanna ti inaldaw a rigat dagiti ordinario a mannursuro iti pagilian.
-- ADVERTISEMENT --
