VIGAN CITY -Saanen a mapalubosan a sumrek iti tiendaan dagiti saan a naka-face mask ditoy syudad ti Vigan.
Dayta ket kagiddan iti maipatpatungpal nga enhanced community quarantine gapu ti COVID-19.
Malaksid iti dayta, malimitaran dagiti tao a sumrek kas koma kadagiti grocery store ken botika tapno maliklikan ti panagdidinnupudup da a posible nga isu pay iti rason iti paka-alaan da ti virus.
No man pay adu dagiti tao a mapan aggatang kadagiti kasapulanda iti inaldaw ket sigsiguradwen dagiti agbanbantay nga adda iti social distancing da ken mamonitor-da babaen iti thermal scanner.
Maiparit payen dagiti senior citizen a mapan iti tiendaan ta nasaysayaat no agtalinaeddan kadagiti pagtaenganda ta isuda ti maysa kadagiti nadaras a maapektaran iti COVID-19.
